Instagram: Onasiga uy sovg‘a qilgan Shahzod Sultonov, mashina xarid qilgan Baby Mohi, o‘zbekistonliklarga salom yo‘llagan Gollivud yulduzi

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Gollivud aktyori Mark Uolberg o‘zbekistonlik muxlislariga salom yo‘lladi. Aktyor Amerikadagi o‘zbek qizi — bloger Habiba Nigmatullayeva bilan uchrashib qolgan hamda u orqali O‘zbekistonga salom yo‘llagan. Video Habiba Nigmatullayevaning Instagram sahifasida e’lon qilindi. 



Munisa Rizayeva eng yaqin dugonasi bilan tushgan suratini sahifasiga joylab, do‘stlik haqidagi mulohazalari bilan bo‘lishdi. 

Aktrisa Muqaddas Sa’dullayeva kuzatuvchilariga ko‘zlarida yosh bilan otasi haqidagi xotiralarini so‘zlab berdi. Unga ko‘ra, marhum aktyor Lutfulla Sa’dullayev qizining kontrakt pulini to‘lash uchun uyidagi telefon raqamini dorixonaga sotgan hamda buni bir muddat oila a’zolaridan sir tutgan. “Otam o‘qishim uchun qo‘llaridan kelgancha imkoniyat yaratib berganlar. Men esa turmush o‘rtog‘imning xohishlari bilan o‘qishimni tashlab ketganman”, — deydi Muqaddas Sa’dullayeva. 



Uchinchi bor onalik baxtiga sazovor bo‘lgan Hulkar Abdullayeva samimiy tilaklar uchun kuzatuvchilariga minnatdorchilik bildirdi. 

Xonanda hamda bloger Baby Mohi o‘zining ilk avtomobilini xarid qildi hamda quvonchini muxlislari bilan bo‘lishdi.



Bollivud yulduzi Katrina Kaif sahifasiga yangi surat joyladi. 

Aktyor Shahzod Sultonov onasiga poytaxtda yangi qurilgan uch xonali xonadonni sovg‘a qildi.

 

Xonanda Rayhon turmush o‘rtog‘i Farhod Alimovni tug‘ilgan kuni bilan tabrikladi. 

Komik aktrisa Halima Ibragimova tadbirkorlarga murojaat yo‘llab, poytaxtdagi xonadonlarning ijara narxini oshirib yubormaslikni so‘radi.



Asal Shodiyeva kuzatuvchilarga yangi surati bilan ko‘rinish berdi. 

Davron Ergashev arxiv suratini sahifasiga joyladi.