Украина президенти Владимир Зеленский “агрессор” Россия, Украинанинг вақтинча босиб олинган ҳудудлари ва Беларусдан нашриёт маҳсулотларини олиб киришни тақиқловчи қонунни имзолади. Бу ҳақда давлат раҳбари Telegram’да маълум қилди.
Олий Рада ушбу қонунни 2022 йил июнь ойида қабул қилган эди. Қонун бир йилдан ортиқ вақт деганда президент томонидан имзоланди.
“Қонунни тўғри деб биламан”, — деб ёзди Зеленский.
Унинг сўзларига кўра, қонун матни Европа Иттифоқи институтларига юборилган ва унинг айрим нормалари лингвистик ҳуқуқларни ҳимоя қилиш бўйича мажбуриятларнинг бажарилишига таъсир қилиши мумкинми ёки йўқлигини баҳолаш сўралган. Шунингдек, Украинанинг Европа Иттифоқига аъзо бўлиш аризаси бўйича Европа Комиссиясининг ушбу қонун борасидаги фикри сўралган.
Май ойида Украина президент офиси порталида давлат раҳбарини қонунни имзолашга чақирувчи петиция пайдо бўлган.
Зеленский петицияга жавоб берар экан, Россия нашриёт маҳсулотларини олиб кириш ва тарқатишни тақиқлаш тўғрисидаги қонунни ҳали имзоламаганини, чунки унинг қоидалари конституция ва Европа Иттифоқи стандартларига зид бўлиши мумкинлигини айтган.
Изоҳ (0)