Вена яшаш учун энг қулай шаҳар мақомини сақлаб қолди

Economist Group таҳлилий бўлими томонидан эълон қилинган рейтингда Австрия пойтахти Вена яна яшаш учун энг қулай шаҳар деб топилди. 

Қайд этилишича, Вена бир неча йиллардан бери биринчи ўринни эгаллаб келмоқда. Бу йил яшаш учун энг қулай шаҳарлар 10 талигига Копенгаген, Мелбурн, Сидней, Ванкувер, Цюрих, Калгари, Женева, Торонто, Осака ва Окленд ҳам кирди. 

Киев “барқарорлик ва инфратузилмага етказилган зарар” туфайли рейтингда 165-ўринни эгаллади.

Рейтингнинг қуйи қисмидаги сўнгги 10 ўринни Дамашқ, Триполи, Жазоир, Лагос, Карачи, Порт-Морсби, Дакка, Хараре, Киев ва Дуала эгаллаган.

Янги Зеландиянинг Веллингтон ва Окленд, Австралиянинг Перт ва Руминиянинг Бухарест шаҳарлари ўтган йилга нисбатан рейтингда энг кўп ўсишга эришган. Энг кўп пасайиш эса Эдинбург, Стокгольм, Лос-Анжелес ва Сан-Диего шаҳарларида кузатилди.

Тадқиқотчиларнинг таъкидлашича, рейтинг дунёнинг турли шаҳарларидаги энг яхши ва энг ёмон яшаш шароитларини баҳолаш асосида тузилган. Уларга кўра, барқарорлик, соғлиқни сақлаш, маданият, атроф-муҳит, таълим ва инфратузилма тоифалари бўйича 30 дан ортиқ омиллар баҳоланмоқда.