Самарқандда очилиш маросимида аёллар беҳаё рақсга тушган чўмилиш ҳавзаси масъулларига тегишли тартибда ҳужжатлар расмийлаштирилиб, судга юборилди. Бу ҳақда вилоят ИИБ матбуот хизмати хабар берди.
Маълум қилинишича, 16 июнь куни Самарқанд тумани “Янгиариқ” маҳалласида жойлашган “Вавилон” чўмилиш ҳавзасининг очилиш маросимида фуқаро Д.Н. оммавий тадбирларни ўтказиш қоидасини қўпол равишда бузиб, 2000 га яқин киши иштирокида оммавий тадбир уюштирган.
Тадбирда бир гуруҳ раққоса қизларнинг ярим яланғоч ҳолатдаги беҳаё ўйинлари, жамоат жойида юриш-туриш қоидаларига амал қилинмагани аниқланган.
Ҳолат юзасидан тадбир ташкилотчисига нисбатан ҳужжатлар расмийлаштирилиб, қонуний қарор қабул қилиш учун ЖИБ Самарқанд туман судига юборилган.
Тадбирда беҳаё ўйинлар кўрсатган раққосалар тери-таносил касалликлари кўригидан ўтказилиб, ОИТС ва ОИВга текшириш учун қон таҳлиллари олиниб, улар билан тушунтириш ишлари олиб борилган.
Изоҳ (1)
80-% спид булган булар.