Абу-Дабида БААда ишлаб чиқилган илғор технологиялар ва янги методологияларни, жумладан, ёмғир ҳосил қилиш усулини Ўзбекистонда, айниқса, Оролбўйи минтақасида жорий этиш истиқболлари муҳокама қилинди, деб хабар бермоқда “Дунё” АА.
Маълум қилинишича, ташриф билан БААда бўлиб турган Ўзбекистон ташқи ишлар вазири Бахтиёр Саидов Абу-Дабида Жаҳон метеорология ташкилоти президенти, БАА Миллий метеорология маркази бош директори Абдуллоҳ Ал Мандус билан учрашди.
Учрашувда вазир БААда ишлаб чиқилган илғор технологиялар ва янги методологиялар, жумладан, ёмғир ҳосил қилиш усули билан танишиб, уларнинг тажрибасини Ўзбекистонда, айниқса, Оролбўйи минтақасида жорий этиш истиқболлари муҳокама қилинган.
Вазир, шунингдек, БАА иқлим ўзгариши ва атроф-муҳит вазири Мариям Алмҳейри билан ҳам учрашиб, сув танқислиги, сувни чучуклаштириш, биохилма-хилликни ҳимоя қилиш, янги дарахтзорлар барпо этиш соҳаларида Иқлим ўзгариши ва атроф-муҳит вазирлиги билан саъй-ҳаракатларни бирлаштириш ҳамда БААнинг мазкур йўналишлардаги илғор тажрибасини Ўзбекистонда татбиқ этишга алоҳида эътибор қаратган.
Изоҳ (0)