Samarqandda ochilish marosimida ayollar behayo raqsga tushgan cho‘milish havzasi mas’ullariga tegishli tartibda hujjatlar rasmiylashtirilib, sudga yuborildi. Bu haqda viloyat IIB matbuot xizmati xabar berdi.
Ma’lum qilinishicha, 16-iyun kuni Samarqand tumani “Yangiariq” mahallasida joylashgan “Vavilon” cho‘milish havzasining ochilish marosimida fuqaro D.N. ommaviy tadbirlarni o‘tkazish qoidasini qo‘pol ravishda buzib, 2000 ga yaqin kishi ishtirokida ommaviy tadbir uyushtirgan.
Tadbirda bir guruh raqqosa qizlarning yarim yalang‘och holatdagi behayo o‘yinlari, jamoat joyida yurish-turish qoidalariga amal qilinmagani aniqlangan.
Holat yuzasidan tadbir tashkilotchisiga nisbatan hujjatlar rasmiylashtirilib, qonuniy qaror qabul qilish uchun JIB Samarqand tuman sudiga yuborilgan.
Tadbirda behayo o‘yinlar ko‘rsatgan raqqosalar teri-tanosil kasalliklari ko‘rigidan o‘tkazilib, OITS va OIVga tekshirish uchun qon tahlillari olinib, ular bilan tushuntirish ishlari olib borilgan.
Izoh (1)
80-% спид булган булар.