Microsoft асосчиси Билл Гейтс Хитой раҳбари Си Цзиньпин билан учрашмоқчи, деб хабар берди Deutsche Welle.
Гейтснинг Пекинда Си билан учрашиши ҳақида CCTV телеканали маълум қилган. Бу миллиардернинг тўрт йил ичида Хитойга биринчи ташрифи бўлади. Қайд этилишича, учрашув юзма-юз форматда ўтказилиши мумкин.
Twitter’да Гейтснинг ўзи Билл ва Мелинда Гейтс фонди учун “глобал соғлиқни сақлаш ва ривожланиш масалалари устида ишловчи ҳамкорлар” билан учрашиш мақсадида Пекинга келганини ёзди.
Гейтс COVID-19 бўйича қатъий чекловлар олиб ташланганидан кейин Хитойга ташриф буюрган илк Ғарб тадбиркорларидан бири бўлди. Билл ва Мелинда Гейтс фонди Хитойнинг безгак ва силга қарши курашдаги саъй-ҳаракатларини қўллаб-қувватлаш учун 50 миллион доллар ажратишини маълум қилганди.
Пекинда жойлашган Глобал саломатлик учун дори моддаларини кашф қилиш институти (GHDDI) Билл Гейтс, Пекин шаҳар ҳукумати ва Sinxua университети томонидан ташкил этилган гуруҳ бўлиб, Гейтс фонди GHDDI билан ҳамкорлик янгиланганини эълон қилди.
Гейтс Пекинда соғлиқни сақлаш ва ривожланиш бўйича глобал ҳамкорлар билан ҳам учрашади.
“Хитой мамлакатда қашшоқликни камайтириш ва соғлиқни сақлаш натижаларини яхшилашда сезиларли ютуқларга эришди. Умид қиламанки, Хитой ҳозирги муаммоларни, айниқса Африка давлатлари дуч келаётган муаммоларни ҳал қилишда янада каттароқ рол ўйнай олади”, — деди Гейтс.
Эслатиб ўтамиз, Гейтс ва Си 2015 йилда Хайнан провинциясида ўтказилган сиёсий ва бизнес раҳбарларининг Боао форуми доирасида учрашган эди. Ўшанда Хитой ташқи ишлар вазирлиги улар “соғлиқни сақлаш соҳасини яхшилаш ва қашшоқликни камайтириш” бўйича фикр алмашганини маълум қилган.
Изоҳ (0)