АҚШ Вакиллар палатаси аъзоси Лорен Боберт Конгрессга мамлакатнинг амалдаги президенти Жо Байденга импичмент эълон қилиш ҳақидаги ҳужжатни тақдим этди. Бу ҳақда депутат Twitter’да маълум қилди.
Бобертнинг сўзларига кўра, Байден АҚШнинг жанубий чегараларини ҳимоя қила олмагани учун у Конгрессга импичмент моддаларини тақдим этган.
“Жо Байден жанубий чегарамизни ҳимоя қилиш бўйича ўзининг конституциявий бурчини тўлиқ бажара олмади. Айнан шу сабабга кўра импичмент ҳақидаги бандни кўриб чиқиш учун тақдим этдим. Мен Байденни ўз лавозимидан четлатиш керак, деб ҳисоблайман”, — деди сиёсатчи.
Эслатиб ўтамиз, собиқ президент Дональд Трамп АҚШ тарихида икки марта импичмент олган илк президентга айланганди.
Изоҳ (0)