Россия Фавқулодда вазиятлар вазирлигининг Краснодар ўлкаси бўйича бош бошқармаси маълумотларига кўра, кучли ёмғир туфайли Сочи шаҳрининг Хостинский туманида Мацеста дарёси ўзанидан тошиб кетди. Унга туташ тўртта ҳудуд, маъмурий бино ва насос станциясини сув босган.
Сочи мери Алексей Копайгородский олтита кўчадаги уйларни сув босганини айтди. Газ қувури ва электр тармоқлари ҳам шикастланган, деди Сочи раҳбари ўринбосари Вадим Снегирев.
Сочи маъмуриятининг маълум қилишича, бир соат ичида камида 15 миллиметр ёмғир ёғган ва дарёдаги сув сатҳини кўрсатувчи датчик “хавфли ҳодиса” чизиғига чиққан. Мацеста ҳудудида тирбандлик туфайли жамоат транспорти ҳаракати тўхтаб қолди. Шаҳар мери тошқин оқибатларини бартараф этиш бўйича кўрсатма берди.
Шаҳарда “об-ҳаво тўлиқ яхшиланмагунча” пляжларни вақтинча ёпишга қарор қилинди, деди Алексей Копайгородский. “Дам олувчилар хавфсизлигини таъминлаш мақсадида ҳозир сузиш тақиқланган”, — деди у.
Мериянинг қайд этишича, 14 июнь куни кун охиригача Сочида кучли ёмғир, момақалдироқ ва дўл ёғиши кутилмоқда. Дарёларда сув сатҳи салбий даражага етиши мумкин, шунингдек, сел хавфи бор. Шаҳарда бўрон ҳақида мунтазам огоҳлантириш берилмоқда.
Изоҳ (0)