Польша Дания бош вазири Метте Фредериксеннинг НАТОнинг янги бош котиби этиб тайинланишига қарши, деб ёзади The Wall Street Journal ўз номини ошкор этмаган Европа расмийларига таяниб.
Унга кўра, Варшава альянсга НАТОнинг шарқий қанотидаги сиёсатчи раҳбарлик қилишини истайди, шунингдек, Дания мудофаа харажатлари бўйича ўз мажбуриятларини ҳанузгача бажармаганини маълум қилмоқда.
Бошқа давлатлар, жумладан, Франция ва Литва ҳали кимни қўллаб-қувватлашга қарор қилгани йўқ.
Нашрнинг ёзишича, Польша, Россияга яқин жойлашган бошқа давлатлар қатори, НАТОга “бир пайтлар Совет Иттифоқи таркибига кирган мамлакатнинг фуқаросини Бош котиб лавозимига тайинлаш орқали Москвага кучли сигнал берилади”, деб ҳисоблайди.
Шу нуқтаи назардан, бир қанча давлатлар Эстония Бош вазири Кай Каллас номзодини илгари сурган. Бироқ, ғарбий қисмда жойлашган баъзи давлатлар шарқий қанотдан бош котибнинг тайинланиши “жуда провокацион бўлади, чунки бу альянс раҳбариятини Россия остонасига келтириб қўяди” деб ҳисоблашмоқда.
Изоҳ (0)