“Милан” собиқ президенти Силвио Берлускони 86 ёшида вафот этди.
“Монца” клуби президенти Берлускони 12 июнь куни Миландаги Сан-Раффаэле шифохонасида ҳаётдан кўз юмди. Бу ҳақида Corriere della Sera нашри хабар бермоқда.
Апрель ойида Силвиода лейкемия касаллиги борлиги маълум бўлганди.
Берлускони 45 кунлик даволанишдан сўнг 9 июнь, жума куни яна оғир аҳволда шифохонага ётқизилган.
Силвио 1986 йилда “Милан” клубини сотиб олган. Унинг қўл остида жамоа 8 марта Италия чемпионлиги, 5 марта Чемпионлар Лигасини қўлга киритган. 2016 йилда эса клубнинг назорат пакетини хитойлик инвесторларга сотиб юборганди. 2017 йилда эса “Милан” билан тўлиқ хайрлашган. 2018 йилда Италиянинг бошқа бир клуби “Монца” раҳбарига айланганди.
Берлусконининг асосий фаолияти сиётга боғлиқ бўлган. У турли йиллар мобайнида иқтисодий ривожланиш вазири, иқтисод ва молия вазири, соғлиқни сақлаш вазири, ташқи ишлар вазири лавозимларида фаолият олиб борган. Берлускони, шунингдек, “Олға Италия” партияси асосчиси ҳисобланади.
Изоҳ (0)