“Milan” sobiq prezidenti Silvio Berluskoni 86 yoshida vafot etdi.
“Monsa” klubi prezidenti Berluskoni 12-iyun kuni Milandagi San-Raffaele shifoxonasida hayotdan ko‘z yumdi. Bu haqida Corriere della Sera nashri xabar bermoqda.
Aprel oyida Silvioda leykemiya kasalligi borligi ma’lum bo‘lgandi.
Berluskoni 45 kunlik davolanishdan so‘ng 9-iyun, juma kuni yana og‘ir ahvolda shifoxonaga yotqizilgan.
Silvio 1986-yilda “Milan” klubini sotib olgan. Uning qo‘l ostida jamoa 8 marta Italiya chempionligi, 5 marta Chempionlar Ligasini qo‘lga kiritgan. 2016-yilda esa klubning nazorat paketini xitoylik investorlarga sotib yuborgandi. 2017-yilda esa “Milan” bilan to‘liq xayrlashgan. 2018-yilda Italiyaning boshqa bir klubi “Monsa” rahbariga aylangandi.
Berluskonining asosiy faoliyati siyotga bog‘liq bo‘lgan. U turli yillar mobaynida iqtisodiy rivojlanish vaziri, iqtisod va moliya vaziri, sog‘liqni saqlash vaziri, tashqi ishlar vaziri lavozimlarida faoliyat olib borgan. Berluskoni, shuningdek, “Olg‘a Italiya” partiyasi asoschisi hisoblanadi.
Izoh (0)