“Специя” қўшимча ўйинда “Верона”га ютқазиб, А Серияни тарк этди. Шомуродов ассист қайд этди ва пенальти ишлаб берди (видео)

Италия А Сериясида қолиш учун кечган баҳсда “Специя” 11 июнь, якшанба куни “Верона”га қарши баҳс олиб борди.

Жамоалар А Серия мавсуми якунларига кўра 38 турда 31 очкодан жамғарди ва мос равишда 17 ҳамда 18-поғоналарни банд этди. Ушбу мавсумдан бошлаб кучга кирган регламентдаги қоидага кўра, лигада қолиш учун курашаётган жамоалар бир хил очко тўплагани боис қўшимча ўйин белгиланди.

Учрашувнинг 5-дақиқасида Давиде Фараони вероналикларни олдинга олиб чиқди. 15-дақиқада Элдор Шомуродовнинг узатмасидан кейин Итан Ампаду гол уриб, мувозанатни тиклади. Биринчи бўлимда “Верона” вакиллари яна иккита тўп киритишга муваффақ бўлди.

68-дақиқада Шомуродов рақиб дарвозабони билан бирга-бир вазиятга чиқиб борди ва тўпни унинг устидан ошириб дарвоза томон йўллади. Бироқ Фараони сўнгги лаҳзада тўпни қўли билан қайтариб, майдондан четлатилди. Белгиландан пенальтини Мбала Нзола муваффақиятли амалга ошира олмади. Қолган вақтда ҳисоб ўзгаришсиз қолди.

Шу тариқа “Специя” А Сериядаги уч мавсумдан кейин қуйи лигага равона бўлди.

А Серия

Қўшимча ўйин

11 июнь, якшанба

“Специя” – “Верона” 1:3

Голлар: 0:1 – 5 Фараони, 1:1 – 15 Ампаду, 1:2 – 26 Нгонж, 1:3 – 38 Нгонж.

“Специя”: Дронговски, Феррер (Агудело, 83), Николау, Ампаду, Висневски (Верде, 53), Рэтса, Бурабия, Журковски (Коваленко, 65), Эспозито (Сипот, 83), Шомуродов, Нзола.

“Верона”: Монтипо, Фараони, Давидович (Кабал, 59), Маняни (Коппола, 85), Ҳин, Депаоли, Лазович (Верди, 59), Тамез, Сулемана, Нгонж (Терраччано, 76), Журич (Гайч, 76).

Огоҳлантиришлар: Ҳин (14), Депаоли (28), Давидович (31), Монтипо (66), Нгонж (70), Рэтса (71), Эспозито (77).

Четлатиш: Фараони (68).