Футбол бўйича ёшлар ўртасидаги Жаҳон чемпионатининг совринли ўринлари учун кечган баҳслар 11 июндан 12 июнга ўтар кечаси бўлиб ўтди.
Финалда Уругвай ва Италия ёшлари ўзаро тўқнаш келди. Учрашув тақдирини ҳал қилган гол 86-дақиқада уругвайликлар вакили Лусиано Родригес томонидан урилди.
Шу тариқа Уругвай ёшлар ўртасида жаҳон чемпионига айланди.
Учинчи ўрин учун кечган баҳсда Жанубий Корея ёшлари Исроилга ютқазиб қўйди.
Ўзбекистон U-20 терма жамоаси Аргентинада ўтган мусобақанинг гуруҳ босқичида 2-ўринни эгаллади. Дастлаб мезбонларга қарши ўйинда мағлубият қайд этилди (1:2), кейинги турдаги Янги Зеландия билан ўйин жанговар дуранг билан тугади (2:2). Сўнгги турда Гватемала ёшлари мағлуб этилди (2:0).
1/8 финалда Равшан Ҳайдаров шогирдлари Исроилга ютқазиб (0:1), мусобақа билан хайрлашганди.
U-20 ЖЧ—2023
Финал
Уругвай – Италия 1:0
Гол: 1:0 – 86 Родригес.
3-ўрин учун баҳс
Исроил – Жанубий Корея 3:1
Голлар: 1:0 – 19 Бинямин, 1:1 – 24, пенальти Ли Сун Вон, 2:1 – 76 Омер, 3:1 – 85 Ҳалайли.
Изоҳ (0)