Беш вазн тоифасида собиқ жаҳон чемпиони Флейд Мейвезер АҚШнинг Флорида штатида Жон Готти IIIга қарши кўргазмали жанг ўтказди. Мазкур беллашув оммавий муштлашув билан якунланди.
Мейвезер жангни назорат қилди, Готтининг ҳаракатлари эса омадли чиқмади. Тўртинчи раундда рақиблар ўзаро тортишиб кетди. Олтинчи раундда Жон қоидаларни доимий равишда бузгани учун дисквалификация қилинди. Шундан сўнг Готти III ҳакамнинг тўхта ишорасига бўйсунмай Флойдга ҳужум қилди.
Мейвезернинг жамоаси ва Готтининг вакиллари ҳам жанжалга аралашди. Оммавий муштлашув бошланди. Жангнинг расмий натижасига кўра, саккиз раундга мўлжалланган баҳс олтинчи раундда тўхтатилган.
Жанжал ва муштлашувлар ринг ташқарисида ҳам давом этган.
Маълумот учун, собиқ MMA жангчиси Жон Готти III Нью-Йорк мафиясининг бошлиғи бўлган марҳум Жон Готтининг набираси ҳисобланади.
Изоҳ (0)