АҚШда ўсмир қиз 7 ёшли болани ўлдириш учун қотил ёллади

АҚШнинг Айова штатида 17 ёшли қиз 7 яшар болани ўлдиришга қотил ёлламоқчи бўлганидан кейин ҳибсга олинди, деб ёзмоқда UPI нашри.

Сторм-лейк шаҳар полицияси бўлимига “Қотил ёллаш” деган маънони англатувчи “RentaHitman.com” комикс сайти маъмурлари мурожаат қилишган. Улар полицияга номаълум шахс етти ёшли болани ўлдириш мақсади билан сайтга икки марта кирганини айтишган.

Ташкилотчи қотил ёлловчини топиш учун боланинг исми, манзили ва бошқа маълумотларни унга тақдим этган. Терговчилар гумондорнинг шахсини аниқлаган, улар бир офицерни ўзини қотил сифатида таништириб, ёлловчи билан алоқа ўрнатишга тайёрлаган.

Офицер қиз билан учрашган, у болани ўлдириш истагини тасдиқлаган. Кейинроқ у ҳибсга олинган. Полиция, шунингдек, жабрланувчига чинакам хавф туғдирадиган зарур далиллар олинганини таъкидлади.

Қиз қотилликка ундашда айбланмоқда. У Черокидаги Шимолий-Ғарбий Аёва ёшлар фавқулодда ёрдам марказига олиб борилди, унинг иши балоғатга етмаганлар судига оширилди.

Апрель ойида АҚШда худди шу сайт ёрдамида “қотилликка ёлланишга” тайёр собиқ ҳарбийнинг шахси аниқланганди. АҚШ Миллий гвардияси аскари қотил бўлиш учун ариза берган ва ўзининг биринчи “топшириғини” олган.