Америка урушни ўрганиш институти (ISW) таҳлилчиларининг ёзишича, россиялик ҳарбийлар Каховка ГЭСни портлатиш орқали Украина қўшинларининг Херсон вилоятидаги Днепр чап қирғоғига тушишига йўл қўймасликни мақсад қилган. Бироқ бу асосий жанглар ҳудудидаги вазиятга таъсир қилмайди.
“Россия сув тошқинидан Днепр дарёсини кенгайтириш учун фойдаланиши ва сув ҳавзасидаги оғир вазият туфайли Украинанинг қарши ҳужумга уринишларини мураккаблаштириши мумкин. Россия манбалари Украина дарёни кесиб ўтиб, Херсон вилоятининг шарқий қирғоғида қарши ҳужумга тайёрланишидан қаттиқ хавотир билдирганди”, — дейди таҳлилчилар.
Шу билан бирга, ISW сув тошқини Днепр делтасида жойлашган ороллардаги Украина позицияларини ювиб юборгани ва украиналик аскарларни Россия артиллериясининг ўқлари остида эвакуация қилишга мажбур қилганини таъкидлади. Бироқ бу умумий вазиятга катта таъсир кўрсатмади, дейди улар.
“Тошқиндан зарар кўрган ҳудудлар (Нова Каховка ва Кизомис ўртасидаги 120 км радиусда) географик жиҳатдан сўнгги бир неча кун ичида жанглар кузатилган фронт чизиғидан анча узоқда жойлашган. Днепрнинг қуйи қисмидаги сув тошқини яқинда фаол ҳарбий ҳаракатлар содир бўлган ҳудудларга таъсир қилиши даргумон”, — дейди таҳлилчилар.
Эслатиб ўтамиз, 6 июнга ўтар кечаси Каховская ГЭС тўғони вайрон бўлди. Украина томони тўғонни россияликлар портлатганини маълум қилди. Ҳодиса оқибатда 80 га яқин аҳоли пункти тошқин зонасида қолган. Аҳолини эвакуация қилиш давом этмоқда.
Украина Қуролли кучлари Бош штаби россияликлар Украина бўлинмаларининг олдинга силжишини тўхтатиш мақсадида Каховка ГЭС иншоотларини портлатганини даъво қилди.
Изоҳ (0)