АҚШ Конгрессининг Вакиллар палатаси давлат қарзининг чегараси бўйича қонун лойиҳасини маъқуллади. Reuters хабарига кўра, бундай қарор мамлакатга дефолт ва молиявий инқироздан қочиш имконини беради. Ҳужжатни 314 нафар конгрессмен қўллаб-қувватлади, 117 нафари қарши овоз берди.
2023 йилнинг январь ойида Қўшма Штатлар 31,4 триллион долларлик қарз чегарасига етган эди. Қабул қилинган қонун лойиҳасида қарз чегарасини муайян даражага ошириш айтилмаган, балки ушбу чегара муддати аввал белгиланганидек 2025 йилнинг январигача бўлиши бекор қилинган.
Энди қонун лойиҳаси АҚШ Сенати томонидан маъқулланиши керак, шундан сўнг уни президент имзолайди.
Жо Байден эришилган келишувни “Америка халқи ва иқтисодиёти учун яхши хабар” деб атади. “Сенатдан уни имкон қадар тезроқ қабул қилишини сўрайман, шунда мен ҳам уни тезроқ имзолашим мумкин бўлади”, — дея қўшимча қилди АҚШ президенти.
Аввалроқ АҚШ молия вазири Жанет Еллен ғазнада ҳукумат мажбуриятларини бажаришга ажратилган маблағ 5 июнгача тугатиши, шундан сўнг дефолт юзага келиши ҳақида огоҳлантирган эди. Май охирларида Байден ва Вакиллар палатаси спикери Кевин Маккарти узоқ баҳслардан сўнг мамлакатнинг давлат қарзи чегарасини ошириш бўйича якуний келишувга эришди.
Изоҳ (0)