Беларусь президенти Александр Лукашенконинг айтишича, Ғарб давлатлари мамлакатда ҳокимият ўзгариши учун кучли сценарий тайёрламоқда.
Унинг сўзларига кўра, “ноқонуний қуролли гуруҳлар аъзолари” Польша, Литва ва Украинада ўқитилмоқда, Беларусда эса “пинҳона экстремистик гуруҳларни яратишга уринишлар” амалга оширилмоқда.
“Беларусга келсак, Польша, Литвада ва афсуски, Украинада ноқонуний қуролли гуруҳлар аъзолари тайёрланаётганини, тўғридан тўғри мамлакатда пинҳона экстремистик гуруҳларни яратишга уринишаётганини таъкидлашим мумкин. Охирги далиллар буни тасдиқлайди.
...Яъни бизда ҳокимиятни алмаштириш учун кучли сценарий тайёрланмоқда. Биз бунга йўл қўймаймиз”, — деди Лукашенко Минскда бўлиб ўтган МДҲга аъзо давлатлар хавфсизлик идоралари ва махсус хизматлари раҳбарлари кенгашининг 52-йиғилишида.
Изоҳ (0)