Финляндиянинг янги ҳукумати россиялик саёҳатчилар учун мамлакатга кириш чекловларини узайтиради. Бу ҳақда ҳукуматни шакллантириш бўйича музокаралар раҳбари Петтери Орпо маълум қилди.
Унинг таъкидлашича, бундай қарор қабул қилиниши табиий эди. 2022 йилда киритилган чекловлар амалдаги ҳукумат кетиши билан бекор бўлади, бироқ янги ҳукумат чекловларни узайтиради.
Аввалроқ Финляндия чегарачилари чекловларга қарамай, мамлакатга келишда давом этаётган россиялик сайёҳлар олдида ожиз қолгани хабар қилинганди. Бундан ташқари, Россияга ҳашаматли товарлар ёки қиймати 300 евродан (24 минг рубль) ортиқ бўлган товарларни экспорт қилишни тақиқловчи Европа Иттифоқи санкцияларини ҳам руслар осонлик билан айланиб ўтаётгани маълум бўлганди.
Бундан ташқари, февраль ойи маълумотларига кўра, руслар Финляндияга боришни хоҳловчилар орасида чемпион бўлишган — 2022 йилда рус сайёҳлари Финляндия визасини олиш учун 113 мингдан ортиқ ариза топширган. Бу ҳақда The Rambler нашри хабар бермоқда.
Изоҳ (0)