Тошкентнинг Бектемир туманида Cobalt уч нафар пиёдани уриб юбориб, улардан бирининг ўлимига сабабчи бўлди.
Пойтахт ИИББ матбуот хизмати берган маълумотга кўра, 28 май куни соат тахминан 21:30 ларда Бектемир тумани, Бектемир йўли кўчасида ҳайдовчи (1996 йилда туғилган) Ш.М. Cobalt бошқариб кетаётиб, йўл четида ҳаракатсиз тўхтаб турган “Ваз-2105”га бориб урилган, сўнг бошқарувни йўқотиб, йўл четидан ҳаракатланиб кетаётган 3 нафар пиёдани уриб юборган.
Оқибатда икки нафар пиёда (2000 йилда туғилган С.Ю. ва 2001 йилда туғилган А.К.) ва Cobalt ҳайдовчиси тан жароҳати олгани сабабли тиббий ёрдам кўрсатилган. Бироқ пиёдалардан яна бири — 1997 йилда туғилган А.Х. олган тан жароҳатлари сабабли касалхонада вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
Изоҳ (0)