Бухоро вилоятининг Когон туманида футбол ўйини вақтида юз берган жанжал бир кишининг ўлими билан якунланди. Бу ҳақда вилоят ИИБ матбуот хизмати хабар берди.
Маълум қилинишича, 29 май куни соат 22:30 ларда Когон тумани “Сорғун” маҳалласида яшовчи, 2002 йилда туғилган А.Л. исмли шахс туманнинг “Б.Нақшбанд” маҳалласи Кулолон қишлоғида жойлашган мини футбол майдончасида ўзаро футбол ўйини вақтида маҳалладоши, 1996 йилда туғилган Ҳ.О. исмли таниши билан жанжаллашган.
Жанжал вақтида унинг юз соҳаси ва танасининг дуч келган жойига уриб, тепиб, суд тиббий экспертизасининг хулосасига кўра, оғир тан жароҳати етказган. Оқибатда жабрланган фуқаро олган тан жароҳати натижасида воқеа жойида вафот этган.
Мазкур ҳолат юзасидан туман ИИБ томонидан А.Л.га нисбатан Жиноят кодексининг 104-моддаси 3-қисми “д” банди билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)