“Ёшлар” телеканалининг “Янги давр” дастури телебошловчиси, журналист Нозима Маҳмудова вафот этди. Бу ҳақда журналист Навбаҳор Каримова ўзининг Facebook’даги саҳифасида маълум қилди.
Маълумотларга кўра, 26 май куни Нозима Маҳмудова юрак операциясидан кейин ҳаётдан кўз юмган.
Нозима Маҳмудова Ўзбекистон давлат жаҳон тиллари университетида таълим олган. Ҳозирга қадар Ўзбекистон Республикаси Қишлоқ хўжалиги вазирлиги ҳамда “Ёшлар” телеканалида ишлаб келаётган эди.
Апрель бошларида Ўзбекистон телевидениесининг таниқли журналисти Соҳибжон Алижонов 55 ёшида, 2022 йил 17 январь куни Ўзбекистонда хизмат кўрсатган журналист, “Меҳнат шуҳрати” ордени соҳиби Дилбар Маҳмудова 85 ёшида, Ўзбекистонда хизмат кўрсатган журналист Рустам Обидов эса 72 ёшида Қариялар уйида вафот этганди.
Изоҳ (0)