O‘zbekiston televideniyesining taniqli jurnalisti Sohibjon Alijonov 55 yoshida vafot etdi. Bu haqda uning Facebook’dagi sahifasiga qoldirilgan postlardan ma’lum bo‘ldi.
Sohibjon Alijonov Farg‘ona viloyatining Bag‘dod tumanida tug‘ilgan. Dastlab “Davr” informatsion dasturi, keyin esa “O‘zbekiston24” kanalida o‘zining tahliliy, tanqidiy chiqishlari bilan tanilgandi. Ma’lumotlarga ko‘ra, jurnalistning o‘limiga yurak xuruji sabab bo‘lgan.
Eslatib o‘tamiz, 2022-yil 17-yanvar kuni O‘zbekistonda xizmat ko‘rsatgan jurnalist, “Mehnat shuhrati” ordeni sohibi Dilbar Mahmudova 85 yoshida, O‘zbekistonda xizmat ko‘rsatgan jurnalist Rustam Obidov esa 72 yoshida Qariyalar uyida vafot etgandi.
Izoh (0)