Фарғона шаҳри “Қиргули” даҳасида жойлашган дўконда газли сув тайёрлашда ишлатиладиган мосламага уланган баллон портлаб кетди. Бу ҳақда ФВВ матбуот хизмати хабар берди.
Қайд этилишича, 27 май куни соат 10:05 да “Қиргули” даҳаси Янги аср кўчасида жойлашган газли сув сотишга мўлжалланган дўконда газли сув идишидаги ҳаво босимини кўтарилиб кетиши натижасида сув идиши отилиб кетган. Ёнғин содир бўлмаган.
Сув идишининг отилиб кетиши оқибатида икки нафар ишчи енгил тан жароҳати олган, ҳалок бўлганлар йўқ. Зудлик билан воқеа жойига ФВБ қутқарувчилари етиб бориб, амалий ёрдам кўрсатилган.
“Ҳодиса натижасида дўконнинг енгил конструкцияларига қисман зарар етган. Мазкур ҳолат юзасидан дастлабки терговолди суриштирув ишлари олиб борилмоқда”, — дейилади хабарда.
Январь ўрталарида Қаршида кўпқаватли уйларни иситувчи қозонхона портлаб кетгани, шунингдек, Бухородаги хонадонда газ баллони портлаши оқибатида ёнғин содир бўлгани, Қашқадарёдаги метан заправкада Nexia-2 газ баллони портлаб кетгани тўғрисида хабар берилганди.
Изоҳ (0)