Жаҳон соғлиқни сақлаш ташкилоти (ЖССТ) Россиянинг Украинага қарши тажовузини қоралади. У ерда ўқ отиш ва ракета ҳужумлари туфайли кўплаб шифохоналар вайрон бўлган, тиббий хизматлардан фойдаланиш билан боғлиқ вазият анча ёмонлашган.
ЖССТ йиғилишида маъқулланган резолюцияда россияликларнинг Украина соғлиқни сақлаш соҳасига етказган зарарини баҳолаш ҳам назарда тутилган, дея хабар беради “Америка овози”.
Ҳужжат 80 киши ёқлаб, 9 киши қарши, 52 киши бетараф овоз бериши билан қабул қилинди.
Украина ҳукуматининг ЖССТга тақдим этган маълумотларига кўра, уруш пайтида мамлакатда 1256 та соғлиқни сақлаш муассасаси зарар кўрган, шу жумладан 177 та муассаса бутунлай вайрон қилинган, 237 тиббиёт ходими ва беморлар ҳалок бўлган ёки яраланган.
Украинада уруш бошланганидан бери дори нархи 12 фоизга ошди. Соғлиқни сақлаш вазирлиги бунда нархларнинг спекулятив ўсишини кўрмаётганини, чунки инфляция 14 фоизга ошганини маълум қилди.
Изоҳ (0)