Jahon sog‘liqni saqlash tashkiloti (JSST) Rossiyaning Ukrainaga qarshi tajovuzini qoraladi. U yerda o‘q otish va raketa hujumlari tufayli ko‘plab shifoxonalar vayron bo‘lgan, tibbiy xizmatlardan foydalanish bilan bog‘liq vaziyat ancha yomonlashgan.
JSST yig‘ilishida ma’qullangan rezolyutsiyada rossiyaliklarning Ukraina sog‘liqni saqlash sohasiga yetkazgan zararini baholash ham nazarda tutilgan, deya xabar beradi “Amerika ovozi”.
Hujjat 80 kishi yoqlab, 9 kishi qarshi, 52 kishi betaraf ovoz berishi bilan qabul qilindi.
Ukraina hukumatining JSSTga taqdim etgan ma'lumotlariga ko'ra, urush paytida mamlakatda 1256 ta sog'liqni saqlash muassasasi zarar ko'rgan, shu jumladan 177 ta muassasa butunlay vayron qilingan, 237 tibbiyot xodimi va bemorlar halok bo'lgan yoki yaralangan.
Ukrainada urush boshlanganidan beri dori narxi 12 foizga oshdi. Sog'liqni saqlash vazirligi bunda narxlarning spekulyativ o'sishini ko'rmayotganini, chunki inflyatsiya 14 foizga oshganini ma'lum qildi.
Izoh (0)