Украина президенти офиси қарши ҳужум бошланганини маълум қилди
Украина қўшинлари аллақачон қарши ҳужумга киришган, деди Украина президенти офиси раҳбарининг маслаҳатчиси Михаил Подоляк Италиянинг РAI телеканалига берган интервьюсида.
“Қарши ҳужум бир неча кундан бери давом этмоқда”, — дея Подолякнинг сўзларидан иқтибос келтирди телеканал. Украина президенти офиси раҳбарининг маслаҳатчиси фронт 1,5 минг километрга узайганини, бироқ “алоҳида операциялар аллақачон бошланганини” таъкидлади.
Подоляк Киев иттифоқчилар берган қуролларни Россияга қарши зарбалар учун ишлатмаслигини, балки уларни фақат “Россия томонидан босиб олинган ҳудудларда, жумладан Қрим ва Донбассда” қўллашини яна бир бор таъкидлади.
Аввалроқ Михаил Подоляк Украина Қуролли кучларининг қарши ҳужумига катта ҳал қилувчи жанг сифатида қарамаслик кераклигини айтганди.
“Бу бир ҳафта ёки бир ойлик масала эмас, балки у кўплаб воқеаларни қамраб олади. Бири муваффақиятлироқ, бошқаси тескари натижа бериши мумкин”, — деган Подоляк.
Украина собиқ президенти Леонид Кучманинг собиқ маслаҳатчиси Олег Соскин қарши ҳужум муваффақиятсизликка учраган тақдирда Зеленскийни осишни таклиф қилган.
