Наманганнинг Поп туманида DAF юк машинаси бутунлай ёниб кетди.
ФВВ матбуот хизматининг маълум қилишича, воқеа 23 май куни соат 01:06 да “Садоқат” МФЙ ҳудудидан ўтган А-373 автомобиль йўлининг 277.5 километрида, Водий—Тошкент йўналишида ҳаракатланиб кетаётган юк автомобилида юз берган.
Воқеа жойига иккита ёнғин-қутқарув экипажи соат 01:47 да етиб бориб, ёнғин соат 01:50 да қуршаб олинган ва соат 02:00 да ўчирилган.
.jpg)
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Наманганнинг Поп туманида январь ойида учта юк машинаси ёниб кетиши оқибатида уч киши ҳалок бўлган, ҳолат юзасидан жиноят иши қўзғатилганди.
Изоҳ (0)