Namanganning Pop tumanida DAF yuk mashinasi butunlay yonib ketdi.
FVV matbuot xizmatining ma’lum qilishicha, voqea 23-may kuni soat 01:06 da “Sadoqat” MFY hududidan o‘tgan A-373 avtomobil yo‘lining 277.5 kilometrida, Vodiy—Toshkent yo‘nalishida harakatlanib ketayotgan yuk avtomobilida yuz bergan.
Voqea joyiga ikkita yong‘in-qutqaruv ekipaji soat 01:47 da yetib borib, yong‘in soat 01:50 da qurshab olingan va soat 02:00 da o‘chirilgan.
.jpg)
Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.
Namanganning Pop tumanida yanvar oyida uchta yuk mashinasi yonib ketishi oqibatida uch kishi halok bo‘lgan, holat yuzasidan jinoyat ishi qo‘zg‘atilgandi.
Izoh (0)