Россиянинг Белгород вилояти губернатори Гладков Украина армиясининг диверсион разведка гуруҳи Грайворон округига кирганини маълум қилди.
Гладковнинг сўзларига кўра, Россия қуролли кучлари чегара хизмати Россия гвардияси ва Федерал хавфсизлик хизмати билан биргаликда “душманни йўқ қилиш учун” зарур чоралар кўрмоқда.
Ижтимоий тармоқларда “Украина танкларининг Белгород вилоятидаги Грайворон назорат-ўтказиш пункти ҳудудига киргани” акс этган видео эълон қилинган. Шу билан бирга, Белгород вилояти расмийлари Грайворон округи ўққа тутилганини хабар қилган.
Белгород вилоятига Россия чегарачиларига ёрдам бериш учун вертолётлар ва зирҳли техникалар юборилгани айтилмоқда
Кремлнинг муносабати
Россия президенти Владимир Путин ҳолат бўйича хабардор қилинган. Президент матбуот котиби Дмитрий Песков мазкур ҳаракатлардан кўзланган мақсад ҳақида фикр билдирди.
“Биз бундай диверсиянинг мақсадини жуда яхши тушунамиз. У эътиборни Бахмут йўналишидан чалғитиш, Украина томони Артемовскни йўқотишининг сиёсий таъсирини минималлаштиришга қаратилган”, — деди Песков.
Песков уларни Россия ҳудудидан сиқиб чиқариш ва ушбу “қўпорувчилик гуруҳини” йўқ қилиш ишлари олиб борилаётганини айтди. Воқеа жойида етарлича куч ва воситалар мавжудлигини билдирди.
Изоҳ (0)