Еврокубоклар ярим финалидан ўрин олган ўйинлар якунланди. УЕФА ҳар бир мусобақада ҳафтанинг энг яхшилари номини маълум қилди.
![](/static/gettyimages-1491202752-1024x1024.jpg)
“Манчестер Сити” ярим ҳимоячиси Бернарду Сильва Чемпионлар Лигасида ҳафтанинг энг яхши футболчиси бўлди. Португалиялик футболчи “Реал”га қарши ўйинда (4:0) дубль муаллифига айланиб, жамоасининг финалга чиқишига ёрдам берди.
![](/static/gettyimages-1255973760-1024x1024.jpg)
Европа Лигасида ҳафтанинг энг яхши футболчиси “Севилья” футболчиси Эрик Ламела бўлди. Ламела “Ювентус”га қарши ярим финал баҳсида (2:1) гол ва голли узатма муаллифига айланди.
![](/static/gettyimages-1491338340-1024x1024.jpg)
Конференциялар Лигасида эса “Базелга қарши баҳсда (3:1) дублга эришган “Фиорентина” аъзоси Николас Гонсалес ҳафтанинг энг яхшиси деб топилди.