Yevropa Ligasi. “Sevilya” qo‘shimcha bo‘limlarda “Yuventus”ni mag‘lub etdi, “Roma” ham finalda

Futbol bo‘yicha Yevropa Ligasining yarim final javob o‘yinlari 18-may, payshanba kuni o‘tkazildi.

“Roma” Germaniyaning “Bayer” jamoasi maydoniga safar qildi. Uchrashuvda 0:0 hisobi qayd etildi. Ikki o‘yin natijasiga ko‘ra (1:0, 0:0), Joze Mourinyo shogirdlari final yo‘llanmasini qo‘lga kiritdi.

“Sevilya” esa o‘z uyida “Yuventus”ni qabul qildi. O‘yinning 65-daqiqasida “Yuventus” futbolchisi Dushan Vlahovich hisobni ochdi. 71-daqiqada esa “Sevilya” vakili Suso hisobni tenglashtirdi. O‘yinning asosiy vaqtida boshqa gol kiritilmadi va qo‘shimcha taymlar boshlandi.

Bahsning 95-daqiqasida “Sevilya” o‘yinchisi Erik Lamela gol kiritdi va jamoasini hisobda oldinga olib chiqdi. 115-daqiqada andalusiyaliklar safida Markos Akunya qizil kartochka oldi va jamoa bir kishi kam bo‘lib qoldi. Shunga qaramay g‘alabani saqlab qoldi va finalga yo‘l oldi.

Yevropa Ligasi finalida Italiyaning “Roma” va Ispaniyaning “Sevilya” jamoalari to‘qnash keladigan bo‘ldi. Bahs 1-iyun, payshanba kuni bo‘lib o‘tadi.

Yevropa Ligasi

Yarim final, javob o‘yinlari

18-may, payshanba

“Bayer” (Germaniya) – “Roma” (Italiya) 0:0 (0:1)

“Bayer”: Gradeski, Frimpong, Ta (Amiri, 86), Tapsoba, Inkapie, Bakker (Adli, 73), Demirbay, Palasios (Glojek, 80), Virts, Diabi, Azmun.

“Roma”: Ruy Patrisiu, Chelik (Smolling, 78), Manchini, Rojer, Kristante, Spinassola (Zalevski, 34), Matich, Pellegrini, Bove, Belotti (Veynaldum, 46), Abraham.

Ogohlantirish: Inkapie (45), Palasios (56), Bakker (70), Rojer (70), Kristante (89), Diabi (90), Tapsoba (90), Xabi Alonso (90), Abraham (90).

“Sevilya” (Ispaniya) – “Yuventus” (Italiya) 2:1 (1:1)

Gollar: 0:1 — 65 Vlaxovich, 1:1 — 71 Suso, 2:1 — 95 Lamela.

“Sevilya”: Bunu, Navas (Gomes, 105), Bade, Gudel, Akunya, Rakitich, Fernando, Okampos (Lamela, 70), Oliver Torres (Suso, 62; Rekik, 118), Xil (Montyel, 100), En-Nesiri.

“Yuventus”: Shesni, Danilo, Bremer, Gatti, Kuadrado (Milik, 105), Di Mariya (Kyeza, 64), Rabyo, Lokatelli (Miretti, 86), Fajoli (Paredes, 41), Kin (Vlaxovich, 64), Ayling (Kostich, 86).

Ogohlantirish: Kin (11), Akunya (57), Danilo (105), Suso (117), Paredes (117), Montyel (120).

Chetlatish: Akunya (115).