“АЗ” мухлислари ўйиндан сўнг “Вест Ҳэм” футболчилари оиласи ўтирган трибунага ҳужум қилди (видео)

Футбол бўйича Европа Конференциялар Лигаси ярим финал жавоб ўйинида “Вест Ҳэм” “АЗ” устидан ғалаба қозониб, финалга йўл олди.

Жамоалар ўртасидаги биринчи учрашувда инглизлар 2:1 ҳисобида ғалаба қозонган. Жавоб ўйинининг ҳакам қўшиб берган дақиқаларда Пабло Форналснинг голи эвазига “Вест Ҳэм” зафар қучди. Умумий ҳисоб — 3:1 “болғачилар” фойдасига. 

Ўйин тугагач, нидерландиялик мухлислар тўсиқларни ошиб ўтиб, “Вест Ҳэм” футболчилари оиласи жойлашган трибуна томон ташланди. Қўриқчилар уларни тўхтатиб қололмади. 

Мухлислар меҳмонларга қарата пиротехник воситаларни улоқтирди. Натижада муштлашув келиб чиқди. 

“Вест Ҳэм” футболчиси Лукас Пакета ўйлаб ўтирмасдан, муштлашувга қўшилиб кетди.