Сиан шаҳридаги Тан сулоласи боғида Марказий Осиё—Хитой биринчи саммитида иштирок этаётган давлатлар раҳбарларини расман кутиб олиш маросими бўлиб ўтди. Шавкат Мирзиёев ва рафиқасини Си Цзиньпин ва рафиқаси тантанали кутиб олди.
Маросимда Қозоғистон Республикаси президенти Қосим-Жўмарт Тоқаев, Қирғизистон Республикаси президенти Садир Жапаров ва рафиқаси, Тожикистон Республикаси президенти Эмомали Раҳмон ва Туркманистон президенти Сердар Бердимуҳамедов ҳам иштирок этди.
Биргаликда суратга тушилди. Олий мартабали меҳмонларга сарой олдидаги майдонда Хитойнинг бой тарихи ва маданиятини ўзида акс эттирган ёрқин саҳналаштирилган чиқишлар ва концерт дастури намойиш этилди. Саммитнинг асосий тадбирлари эртага, 19 май куни бўлиб ўтади.
Изоҳ (0)