Uzbekistan Airways акциядорлик жамияти 15—31 март кунлари бошланғич қиймати 648 минг долларлик (тахминан 7,5 миллиард сўм) тендер ўтказган. “Дарё” ҳужжатларни таҳлил қилиб, лот савдоси бўйича маълумот беради.
Тендер самолёт йўловчилари учун бир марталик қулоқчинлар сотиб олиш мақсадида амалга оширилган. Техник топшириққа кўра, ғолиб корхона 90 кун ичида бир донасининг ўртача нархи 2000 сўм бўлган нақ 3 миллион 600 мингта наушник етказиб бериши керак.
Харид савдоларида олтита фирма рақобатлашди. Аммо улардан учтаси тендердан четлатилган, сабаб: корхоналарнинг раҳбариятлари ўзаро боғлиқ, аффилланган.
Комиссия аъзоларининг якуний баҳоларига кўра, тендерни Хитойнинг Guangxi Fusui Huayunuo Trading компанияси ютиб олган. Шартнома суммаси — 576 минг доллар. Бундан келиб чиқадики, Uzbekistan Airways’га қулоқчинларнинг бир донаси 1800 сўмдан тушади.
Изоҳ (0)