“Вагнер” хусусий ҳарбий кампаниясига қўшилишни истаган россиялик ҳарбийлар 15 йилгача қамоқ жазосига ҳукм қилиниши мумкин. Бу ҳақда давлат Думаси мудофаа қўмитаси аъзоси, генерал-лейтенант Виктор Соболев маълум қилди.
Соболевнинг сўзларига кўра, хусусий ҳарбий кампанияларнинг фаолияти Россия қонунларига зиддир ва ёлланма ишчи сифатида рўйхатдан ўтган ҳарбийлар қамоқ жазосига ҳукм қилиниши мумкин.
“Хусусий ҳарбий кампания ноқонуний қуролли тузилма, у қаерда рўйхатдан ўтгани ва нима билан шуғулланиши номаълум. Агар улар (армияга сафарбар қилинганлар) ҳарбий бўлинмада бўлса, улар ўша бўлинмаларда қолсин ва вазифаларни бажарсин. Улар армияни фронтда тарк эта олмайди. Бир қатор қонунлар ҳарбий қисмларни рухсатсиз ташлаб кетишни тақиқлайди ва бунинг учун жиноий жазо: 10 йилдан 15 йилгача қамоқ жазоси белгилайди”, — дейди Соболев.
“Вагнер” қандай гуруҳ?
Кўплаб Ғарб ОАВлари “Вагнер” гуруҳи тўғридан тўғри Владимир Путинга бўйсунишини ёзади. Унинг ёлланма жангчилари болаларни ўлдириш, аёлларни зўрлаш ва қийноққа солиш, шунингдек, шафқатсиз қотилликларда айбланиб келади.
“Konkord” компанияси эгаси бўлган Евгений Пригожин 2016 йилдан буён АҚШ, 2020 йилдан буён эса Евроиттифоқ санкциялари остидадир. Вашингтонда у Интернет тадқиқотлари агентлиги (троллар фабрикаси) ва “Вагнер”ни назорат қилишда айбланган.
У “Вагнер”га алоқадорлигини кўп марта рад этган ва бундай айбловлар сабабли судлашган, аммо 2022 йил сентябрида у “Вагнер” асосчиси эканини маълум қилди. Ташкилотни 2014 йилда, унинг сўзларига кўра, “Донбассда рус халқига нисбатан геноцид” бошланган вақтда тузган.
Изоҳ (0)