Россия президенти Владимир Путин имкони борича Украинага қарши урушни давом эттиради, аммо Ғарб давлатларидан Киевга фаол ҳарбий ёрдам кўрсатилиши унинг жанг қилиш истагини сусайтириши мумкин. Бу ҳақда АҚШнинг собиқ дипломати Метю Брайза Espresso нашрига берган интервьюсида маълум қилди.
“Путин имкони борича Украинага қарши уруш олиб боради ва сигналлар унинг уруш олиб бориш истаги камайиб бораётганидан далолат беради. У урушга 300 000 кишини сафарбар қилди, сентябр ойидан бошлаб уларни фронтга жўнатди ва улар жанг майдонида сезиларли муваффақиятга эриша олмади. Ҳа, улар Бахмутни бутунлай йўқ қилди, аммо бу стратегик ютуқ эмас. Украина Россиянинг барчи ҳарбий кучларини чиқариб юборишда ҳайратланарли даражада муваффақият қозонди ва бу давом этади”, — дейди Брайза.
Собиқ америкалик дипломат “Россия ҳеч қачон Украина ҳарбийларини мағлуб эта олмаслигига” ишонч билдирди. У мамлакатнинг иқтисодий қудрати ва ўқ-дориларни ишлаб чиқариш қобилияти пасайиб бораётганини таъкидлади. Брайза Путиннинг жангни давом эттириш иродасига путур етказиш учун вақт кераклиги, бироқ Украинани қурол-яроғ билан таъминлаши бунга таъсир қилиши мумкинлигини айтди.
“Менимча, Путин Европа Иттифоқи Украина учун 2 миллион артиллерия снаряд сотиб олиши мумкин бўлганида, улар жанг майдонида қўлланилганида ва АҚШ Украинага кўпроқ техника ўтказса, Путин ҳарактланишдан тўхтайди. Охир-оқибат, Польша ўзининг эски МиГ-29 ини топшириш бўйича дадил қадам ташлаганидан кейин урушда кўпроқ қирувчиларни кўрамиз, улар сафига Американинг Ф-16 ларини ҳам кўришни умид қиламан.
Аммо қирувчи самолётлар билан боғлиқ вазият қандай бўлишидан қатъи назар, Украина арсеналига тобора кучлироқ Ғарб қуроллари кириб бормоқда. Путиннинг жангни давом эттириш истагини йўқ қилиш учун вақт керак бўлади, аммо агар АҚШ ва унинг иттифоқчилари шу тарзда давом этса, Украинани тобора кучлироқ қуроллар билан таъминласа, охир оқибат Путин бу урушни давом эттира олмайди. Қачондир унинг ҳам инсон ресурслари тугайди. Кутишимиз керак, бундай вақт албатта келади”, — дейди у.
Изоҳ (0)