Туркияда 14 май куни бўлиб ўтган сайловда президентликка номзодларнинг ҳеч бири 50 фоиздан кўп овоз тўплай олмади, шу муносабат билан мамлакатда расман овоз беришнинг иккинчи босқичи ўтказилади.
Туркия Марказий сайлов комиссиясига кўра, иккинчи босқич 28 май куни бўлиб ўтади. Иккала асосий номзод ҳам якуний ғалабага ишонч билдирган.
Сайлов қутиларининг 100 фоизи очилиши натижаларига кўра, амалдаги президент Ражаб Тоййиб Эрдўғон 49,51 фоиз, мухолифат номзоди Камол Қиличдарўғли 44,88 фоиз, “Отатуркчилар иттифоқи”дан Синан Оган 5,17 фоиз овоз олган.
“Президент сайловининг иккинчи босқичи 28 май, якшанба куни бўлиб ўтади”, — дейди МСК.
Аввалроқ сайловнинг тўртинчи номзоди бўлган Ватан партияси етакчиси Муҳаррем Инже сайловда қатнашмаслигини билдирганди. Инже мазкур хатти-ҳаракатига сайловолди ташвиқоти пайтида унга зарба берган компроматлар тўлқини сабаб бўлганини айтган.
Сиёсатчи 45 кун давомида унинг сохта, компромат суратлари турк оммавий ахборот воситаларида тарқалиб кетгани ва ҳуқуқ-тартибот идоралари бу фактларни текширишдан четлашганини таъкидлаган.
Изоҳ (0)