“Барселона” меҳмонда “Эспаньол” устидан ғалаба қозонди (4:2) ва Испания Ла Лигаси чемпионига айланди. Бироқ жамоа чемпионликни нишонлаётган вақтда нохуш ҳолат юз берди.
“Барселона” 27 карра Ла Лига ғолибига айланди. Хави мураббий сифатида ўзининг илк чемпионлигини нишонлади.
Хави жамоаси узоқ кутилган чемпионликни нишонлашни бошлади. Бироқ “Эспаньол” мухлислари бунга йўл қўймади. Бу ғалаба “Барселона” сафидаги кўпчилик учун биринчиси эди.
Каталон клуби майдон марказида айлана бўлиб, чемпионликни нишонлаётганди. Бир оз вақтдан кейин футболчилардан бири нохуш ҳолатни сезиб қолди ва барча кийим алмаштириш хонасига қочишни бошлади.
Трибунадан “Эспаньол” мухлислари майдонга тушишни бошлади. Ишқибозлар азалий рақиб уларнинг майдонида чемпионликни нишонлаётганига жим қараб туролмади.
Кўплаб мухлислар финал ҳуштаги чалиниши билан майдонга югуриб чиқди. “Барселона” футболчилари яшириниш учун югуришга мажбур бўлди.
Маълумот учун, “Барселона” 1999 йилдан бери биринчи марта Лионель Мессисиз Испания чемпионатида ғолиб чиқди.
Тартибсизликлар бошланди.
Майдон хизматчилари вазиятга анча кеч аралашди.
Стюардлар бундан нохуш ҳолатнинг олдини олиши керак эди. Аммо улар майдонда ётган мухлисларни ташқарига олиб чиқиш билан шуғулланди.
.jpg)
ESPN телеканали камералари кийим алмаштириш хонасига олиб борадиган тоннелда Серхио Бускетснинг кимгадир бақираётганини суратга олди. Бироқ ярим ҳимоячи нима сабабдан ғазаблангани маълум эмас.
https://twitter.com/ESPNFC/status/1657856073695657984“Барселона” чемпионга айланган оқшом шундай якунланди.
Изоҳ (0)