Ўзбекистонлик яккакурашчи Маҳмуд Муродов (25-8) UFC’даги олтинчи жангини 2023 йилнинг 11 июлида ўтказади. Бу ҳақда спортчининг ўзи Instagram саҳифаси орқали маълум қилди.
Муродовга Лондон бўлиб ўтадиган мусобақада Брайан Барберена (18-10) рақиб бўлади.
Мазкур мусобақанинг асосий жанги Том Аспиналл ва Марчин Тибура ўртасида кечади.
Эслатиб ўтамиз, Муродов 11 март куни Германия вакили Абусуфён Магомедовга қарши жанг қилиши режалаштирилганди. Бироқ Муродовнинг жароҳати сабаб ушбу жанг бекор қилинган.
Муродов UFC’даги дебют жангида италиялик Алессио ди Кирикони очколар ҳисобига кўра, иккинчи жангида Тревор Смитни учинчи раундда нокаут эвазига мағлубиятга учратган. Учинчи жангида Маҳмуд Эндю Санчесни нокаутга учратганди. Тўртинчи жангда эса Жералд Миршертга имкониятни бой берганди. Охирги жангини 22-октябрь куни UFC 280 мусобақасида Бразилия вакили Кайо Борралёга қарши ўтказиб, мағлуб бўлганди.
Барберена охирги иккита жангида Рафаэл дос Аньос ва Гуннар Нелсонга ютқазган. Ундан аввал спортчи кетма-кет учта ғалаба қайд этганди.
Изоҳ (0)