“Барселона” клуби футболчиларга қилинган тўловлар бўйича қоидабузарликлар учун 15,7 миллион евро жаримага тортилди. Бу ҳақда El Confidencial нашрига таяниб, Marca хабар берди.
Хабарга кўра, Испания солиқ идораси “Барселона” томонидан содир этилган қоидабузарликлар юзасидан текширувни якунлади ва клубга молиявий жазо қўллади.
Бу қоидабузарликлар жамоа аъзоларига Audi русумли автомобиллар берилиши, футболчилар учун ташкил қилинган чартер рейслар учун тўлов ҳақида маълумот бермагани, Арда Туран (1 312 500 евро) ва Александр Сонг (3,5 миллион евро) учун нотўғри ҳисобланган компенсациялар билан алоқадор.
Суриштирув 2019 йилда бошланганди. Автомобильлар ва чартер рейслар футболчилар учун белгиланмаган мукофот тури экани текширилди.
Аввалроқ жамоа футболчиси Серхио Бускетс 15 йиллик фаолиятидан кейин “Барселона”ни тарк этишини эълон қилгани ҳақида хабар берилган.
Изоҳ (0)