“Реал” яна бир бор “ПСЖ” ҳужумчиси Килиан Мбаппе билан шартнома имзолашга уриниб кўради.
The Telegraph нашрининг хабарига кўра, мадридликлар Жуд Беллингҳем билан биргаликда парижликлар форвардини ҳам жамоага олиб келмоқчи. Агар иккала трансфер ҳам амалга ошса, ушбу ёз “Мадрид” тарихидаги рекорд харажатларни келтириб чиқаради. “Реал” кейинги ўн йиллик учун Европадаги доминантликни таъминлаб олади.
“Қаймоқранглилар” Лионель Месси ва Неймарнинг кетиш эҳтимоли юзага келган вазиятдан, шунингдек, Мбаппенинг мухлислар учун видеоролиги туфайли клуб билан можаросидан фойдаланиб, Килианни Мадридга ўтишга кўндириш ва парижликларга босим ўтказишга ҳаракат қилади.
“ПСЖ” ҳам ўз навбатида Мбаппе атрофида жамоа қуриш учун, ҳужумчини сақлаб қолиш истагида.
“Реал” 2022 йил ёзида ҳам Килиан билан шартнома имзолашга уриниб кўрган, бироқ футболчи “ПСЖ” билан шартномасини 2025 йилга қадар узайтирганди.
Изоҳ (0)