Футбол бўйича Осиё Кубоги—2023 мусобақасининг гуруҳ босқичига 11 май, пайшанба куни қуръа ташланди.
Ўзбекистон миллий терма жамоаси B гуруҳида Австралия, Сурия ва Ҳиндистонга қарши ўйнайди.
Сречко Катанец шогирдларининг мусобақадаги тақвими маълум қилинди. Қайд этиш керак, Ўзбекистон терма жамоаси мусобақани ўзининг собиқ мураббий Эктор Куперга қарши ўйин билан бошлайди. Айни вақтда Купер Сурияга устозлик қилмоқда.
13 январь
Ўзбекистон — Сурия
19 январь
Ҳиндистон — Ўзбекистон
25 январь
Австралия — Ўзбекистон
Осиё Кубоги гуруҳ босқичида дастлабки икки ўринни олган жамоа тўғридан тўғри нимчорак финалга йўл олади. Шунингдек, энг яхши натижага эга тўртта 3-ўрин эгаси ҳам 1/8 финалга йўлланма олади.
Ўзбекистон B гуруҳида ғолиб чиқса 1/8 финалда А, C ёки D гуруҳида 3-ўрин олган жамоага қарши ўйнайди. 2-ўринни оладиган бўлса, F гуруҳида 2-ўринни олган жамоага тўқнаш келади. 3-ўринни олиб, бу натижани қайд этган энг яхши тўртта терма жамоа сафига кирса, у ҳолда D гуруҳи ёки C гуруҳи ғолиби билан ўйнайди.
Осиё Кубоги—2023 мусобақаси 2024 йилнинг 12 январидан 10 февралига қадар Қатарда бўлиб ўтади. Аввалига ушбу мусобақа 2023 йилнинг июнь ва июль ойларида Хитой ўтиши режалаштирилганди. Бироқ коронавирус пандемияси сабаб Хитой турнир мезбонлигидан воз кечганди.
Изоҳ (0)