Линде компаниясининг вакили Оlive Пфан Ўзбекистон—Германия ишбилармонлари учрашуви доирасида эришилган натижаларга тўхталди. Бу ҳақда “Дарё” мухбири хабар берди.
Унинг таъкидлашича, президентнинг лойиҳага шу даражада ёндашаётгани компания вакилларини қувонтиради. Унда қилиниши керак бўлган барча ишлар бўйича кенг маълумотлар мавжуд.
“Айтмоқчиманки, бизга керакли бўлган қўллаб-қувватлаш мавжуд. Қўллаб-қувватлаш эса бизга кўпроқ сармоя киритиш учун ишонч бермоқда. Президентнинг ўзи таъкидлаганидай, инвестиция лойиҳасини иложи борича тезроқ амалга оширишни ният қилганмиз ва келажакда янги лойиҳаларга қўл урамиз.
Россияни тарк этаётганимиз фонида Марказий Осиё бозори биз учун жуда муҳим ҳисобланади. Аниқроқ қилиб айтадиган бўлсам, Марказий Осиё деганда, менинг кўз олдимга биринчи ўринда Ўзбекистон ва Қозоғистон келади. Ўзбекистон бозори биз учун жуда жозибадор.
Бу ердаги муҳит жуда ноёб. Қўшимча қилишим керакки, Ўзбекистонга бориш менга жуда ёқади, одамлари жуда хушмуомала, билимли. Шу сабабли ҳам Марказий Осиёга сармоя киритиш деганда, биринчи навбатда, Ўзбекистонни назарда тутамиз.
Ўзбекистондаги бизнес муҳит жуда жозибадор. Аввал айтганимдай, аксарият солиқлар қисқарди. Бу эса дунёдаги кўплаб давлатлар солиқларни ошираётган даврда юз берди. Кўплаб давлатлар коронавирус даврида йиғилиб қолган қарз юкидан зарар кўрмоқда. ҚҚСнинг, даромад солиғининг қисқарганини алоҳида таъкидламоқчиман, сиёсий жиҳатдан ҳам қўллаб-қувватлашмоқда. Буларнинг барчаси сармоядорларга ёрдам бермоқда”, — дейди Оlive Пфан.
Изоҳ (0)