Шавкат Мирзиёев Германия федерал президенти Франк-Валтер Штайнмайернинг таклифига биноан 2 май куни ташриф билан ушбу мамлакатга жўнаб кетди, деб хабар бермоқда давлат раҳбари матбуот хизмати.
Ташриф дастурига мувофиқ, Берлин шаҳрида президент Франк-Валтер Штайнмайер ва Федерал канцлер Олаф Шольц билан музокаралар, шунингдек, Германиянинг етакчи компаниялари раҳбарлари билан учрашув ўтказилиши режалаштирилган.
Германия пойтахтидаги Янги музей ва Жеймс Симон галереясида очиладиган “Ўзбекистоннинг археологик хазиналари. Александр Македонскийдан Кушонлар империясигача” номли кўргазма билан танишиш кўзда тутилган.
Шавкат Мирзиёев Германия президенти билан 2023 йил 14 март куни телефон орқали мулоқот қилиб, икки давлат ўртасидаги кўп қиррали муносабатларни янада мустаҳкамлаш ва ўзаро манфаатли ҳамкорликни кенгайтириш масалаларини кўриб чиққанди. Давлат раҳбари Германияга сўнгги марта 2019 йилнинг январида расмий ташриф билан борганди.
Изоҳ (0)