Германияда кўплаб соҳалар қаторида, транспорт тизими ҳам яхши ривожланган. Мамлакат трапнспортининг асосий модулларига темир йўл, автомобиль, ҳаво ва сув йўллари киради. Германиядаги бутун инфратузилма, транспортни қўллаб-қувватлаш тизими, хизматлар мамлакатнинг “Duetsche Bahn” компаниясига тегишли. Унинг мутахассислари қарийб 34 минг километрга хизмат кўрсатади, шундан 20 минг километри электрлаштирилган. 4 мингдан ортиқ локомотивлар йилига 2 млрдан ортиқ йўловчи ва 300 млндан тоннагача турли юкларни ташийди.
“Duetsche Bahn” компанияси тажрибасини Ўзбекистон транспорт тизимига тадбиқ этилиши соҳанинг жадал ўсишида ўзига хос платформа бўлади.
Ушбу компаниянинг халқаро алоқалар департаменти бошлиғи Энс Грёфер Марказий Осиё, айниқса, Ўзбекистон – Германия учун муҳим минтақа эканлигини таъкидлади.
“Duetsche Bahn” кўп йиллардан буён Ўзбекистонда фаолият юритиб келмоқда. Турли темирйўл лойиҳаларида, жумладан, Тошкент метрополитенини ривожлантириш, минтақадаги транспорт тизими учун инновацион бўлган Қамчиқ довонида 19 км туннел қурилишида иштирок этган”, — дейди у.
Энс Грёфернинг сўзларига кўра, режаларда бошқа кўплаб истиқболли лойиҳалар ҳам бор.
“Ўзбекистон Президентининг Германияга ташрифи мамлакатларимиз ўртасидаги алоҳида ишончли муносабатларнинг ёрқин далилидир. Олий даражадаги фаол мулоқот Ўзбекистон ва Германия бир-бирига катта қизиқиш билдираётганидан, фаол келажакни бирга қуриш истагидан далолат беради. Ишончим комилки, бўлажак олий даражадаги ташриф Германия ва Ўзбекистон дўстлиги ва иқтисодий йўналишдаги ҳамкорликни кенгайтиришга янги суръат бағишлайди.
Биз Ўзбекистон Президентини ўз ишига фидойи деб биламиз. У мамлакатни янада изчил равнақ топтириш тарафдори. Буни Янги Ўзбекистон дастури мисолида ҳам кўриш мумкин. Давлат келажаги ҳақиқатан ҳам ёрқиндир", — дея қўшимча қилади мутахассис.
Изоҳ (0)