Ijtimoiy tarmoqlarda Farg‘ona shahrida joylashgan hayvonot bog‘idagi barcha hayvonlar nobud bo‘lgani va hozirda bog‘ nomaʼlum muddatga yopilgani haqida xabarlar tarqaldi. “Daryo” muxbiri mazkur holatga oydinlik kiritish maqsadida hayvonot bog‘i rahbari Tursunali Mamajonov bilan bog‘landi. Bog‘ direktorining aytishicha, ijtimoiy tarmoqlarda tarqatilgan xabarlar hech qanday asosga ega emas.
Qayd etilishicha, bog‘dagi barcha hayvonlar tirik va sog‘lom. Bog‘ odatiy tartibda o‘z faoliyatini davom ettirmoqda.
“Bu yilgi sovuq qattiq bo‘lgani uchun jirafa o‘ldi, xolos. Qolgan barcha hayvonlarimizning ahvoli yaxshi. Bog‘ odatdagidek faoliyat ko‘rsatmoqda”, — deydi Tursunali Mamajonov.
Taʼkidlanishicha, ayni kunda bog‘da mingdan ortiq 125 turdagi hayvonlar boqilmoqda.
Avvalroq Farg‘ona hayvonot bog‘idagi Maksim laqabli jirafa anomal sovuq sabab nobud bo‘lgani haqida xabar berilgan edi.
Izoh (1)
iflos erkaklar ham borda eri tashlab ketib ayolni noqulay sharoitga tashlaydigon ayol ham oppoq emas haqqi yoʼq edi bolani nobud qilishga bechora goʼdak yetimlar uyida yashashga mahkum emas