Ўзбекистонда 2023 йилнинг апрель ойида 0,8 фоизлик инфляция қайд этилди. Бу ҳақда Статистика агентлиги хабар бермоқда.
Истеъмол нархлари йил бошидан бери 3,3 фоизга ошган. Йиллик инфляция пасайиб 11 фоизни ташкил қилди. 2022 йил май ойида ҳам худди шундай кўрсаткич қайд этилган эди.
Апрель ойида Ресторан ва меҳмонхона хизматлари бўлими бўйича нархлар 0,8 фоизга ошган. Озиқ-овқат маҳсулотлари ва спиртсиз ичимликлар бўлими бўйича бу кўрсаткич 1,3 фоизни, спиртли ичимликлар, тамаки маҳсулотлари бўйича эса 1 фоизни ташкил қилди.
Якунланган ойда нархлар ўсиши бўйича озиқ-овқат маҳсулотлари етакчи бўлди. Мазкур гуруҳ учун йиллик нархлар ўсиши 13,7 фоиз бўлган ва бу сўнгги уч йилдаги энг юқори кўрсаткич ҳисобланади.
Ўзбекистон бозорларида янги пиёз пайдо бўлган бўлса ҳам, ушбу маҳсулотнинг нархи ўтган йилнинг апрелига нисбатан 86,4 фоизга қимматлигича қолмоқда.
Апрель ойида бир қатор сабзавотлар нархининг пасайиши кузатилган бўлса, банан (+39,6 фоиз) ва помидор (+21,3 фоиз) нархи ошган.
2023 йилнинг апрелида ўтган ойдаги каби бензин ва пропан нархларида пасайиш қайд этилди. Бензин 3,7 фоизга арзонлаган бўлса, пропан нархи 12,9 фоизга тушган.
Изоҳ (0)