Ўзбекистонда 2023 йилнинг биринчи чорагида ўртача ҳисобланган номинал иш ҳақи 4,1 млн сўмни ташкил қилди. Бу ҳақда Статистика агентлиги хабар бермоқда.
-27.jpg)
Номинал ҳисобланган иш ҳақи — иш берувчининг маълум бир вақт давомида ишлаб чиқарилган маҳсулот (ишлар бажарилгани ёки хизмат кўрсатилганлиги) учун ҳисобланган амалдаги қонунларга мувофиқ солиқ ва бошқа тўловларни ўз ичига олган нақд пул шаклида жисмоний шахсларга ҳисобланган меҳнатга ҳақ тўлаш тарзидаги даромад.
2023 йилнинг январь—март ойларида ҳудудлар бўйича ўртача ойлик номинал ҳисобланган иш ҳақининг энг юқори кўрсаткичлари Тошкент шаҳрида (6,6 млн сўм), Навоий вилоятида (5,5 млн сўм), Тошкент вилоятида (4,1 млн сўм), Андижон вилоятида (3,5 млн сўм) ҳамда Бухоро вилоятида (3,5 минг сўм) кузатилди.
Энг кўп ойликни молия ва суғурта фаолияти билан шуғулланувчи ходимлар олмоқда — ўртача 11 млн сўм.
Таълим (2,9 млн сўм) ҳамда Соғлиқни сақлаш ва ижтимоий хизматлар кўрсатиш (2,7 млн сўм) соҳалари эса бошқа соҳаларга нисбатан энг қуйи поғоналарда.
Маълумот учун: Меҳнатга ҳақ тўлашнинг энг кам миқдори 2022 йил 1 июнда 920 минг сўмга кўтарилган эди. 2023 йил 1 майдан бу кўрсаткич 980,0 минг сўмга етказилмоқда.
Ўртача ойлик иш ҳақини ҳисоблашда жами 3 057 842 нафар ходимнинг маълумотларидан фойдаланилган.
Изоҳ (1)
нимга ялгон ахборот таркатасизлар статистика. ярмига хам тугри келмайди